Жамбыл облысында кеше кешкісін жойқын дауыл тұрып, 70-ке жуық елді-мекен жарықсыз қалды. 30 адам зардап шегіп, үшеуі ауруханаға түскен. Жолаушылар тасымалдайтын пойыздардың да жұмыс кестесі бұзылды.
Облыс орталығын жарық, жылу және сумен қамтамасыз етуде де кедергілер бар. Оқыс оқиғадан зардап шегіп, қалалық ауруханаға жеткізілгендер саны 30-дан асқан. Жарақат алған 3 адам ауруханаға жатқызылды. Қазіргі таңда қалада қалпына келтіру жұмыстары жүргізіліп жатыр.
Нұржан Календеров, қала әкімі:
– Барлық тиісті қызметтер өз жұмысын атқаруда. Оның ішінде Төтенше жағдай комитеті қызметы, коммуналдық қызмет. Негізгі жұмыстарды – халықты тіршілікпен қамтамасыз ету нысандарын бүгін кешке дейін бітіруді жоспарлап отырмыз.