Зульфия Чиншанло ел чемпионатында үздік болды. Ел чемпионаты Талдықорғанда өтіп жатыр.
Бұрын 53 келі салмақта шығып жүрген Зульфия Чиншанло 55 келі салмақта жарысты. Жаңа ережеге сәйкес, ол 55 келі салмаққа дейін жарысатын болды, деп жазады Vesti.kz.
Бұл жарыста чемпиондар іріктеліп, Ашхабатта өтетін әлем чемпионатына жіберіледі. Зульфия Чиншанло чемпион болып, алтын жүлдені иеленді.
Екінші орынды Ақмарал Үргембаева, үшінші орынды Камила Острикова алды.
Зульфия Чиншанлоға допинг дауына байланысты мамыр айының соңына дейін шектеу болды. Бұл спортшы қыздың алғашқы жарысы. Енді Ашхабадта өтетін жарысқа қатысады.