Талдықорған қаласына қарасты Мерекелік саяжайында 7 жастағы баланы ит талап, ол ауруханада көз жұмды, деп хабарлайды ҚазАқпарат.
«Талдықорғандағы облыстық балалар ауруханасына науқас 6 қараша күні кешкі сағат бестерде түскен. 2011 жыл туған бала өте ауыр жағдайда ауруханаға жеткізілді. Ол 7 қараша күні сағат 13:35-те қайтыс болды. Оны ит қапқан.
Баланың бас терісі, беті, мойыны, сол жақ иығы, сол жақ аяғы қатты жарақатталған. Бала ауыр травматикалық шок алған», – деді облыстық денсаулық сақтау басқармасының баспасөз хатшысы Ләйлім Әубәкірова.
Ал облыстық полиция департаментінің баспасөз қызметі де аталған фактіні растап, осы факті бойынша сот-алды тергеу басталғанын жеткізді.
Ақтөбедегі оқушы өлімі: Денсаулық басқармасы жедел жәрдемнің кеш барғанын растады
«Баланың өліміне байланысты сот алды тергеу ҚР ҚК-нің 104-бабы бойынша жүргізіліп жатыр. Иттің иесі анықталды. Ол арнайы қолхатпен жіберілді.
Тергеу облыстық полиция департаментінің қатаң бақылауында», – деді аталған ведомстваның өкілі Көбейхан Нұрахметов.