Таиландта қазақстандық боксшы алтын медаль алды
Қазақстандық боксшы Садриддин Ахмедов Таиландта өткен халықаралық турнирде алтын алды.
Былтыр жастар арасында әлем чемпионы атанған отандасымыз жартылай финалда филиппиндік былғары қолғап шеберін тізе бүктірді деп хабарлады “Хабар-24” телеарнасы.
Ал ақтық айқаста Рио Олимпиадасының күміс жүлдегері, өзбек спортшысы Шахрам Гиясовпен кездесуі керек еді. Бірақ көпшілік асыға күткен жекпе-жек болмай қалды.
Кездесуден өзбек боксшысының өзі бас тартыпты. Осылайша Садриддин Ахмедов Таиланд турнирінің жеңімпазы атанды.
Айта кетейік, 18 мемлекеттің кіл үздіктері қатысқан жарыста ел намысын 8 спортшымыз қорғаған еді. Оның тек үшеуі ғана жартылай финалға жолдама алды. Олар Азат Махметов, Ерік Әлжанов және осы Садриддин Ахмедов болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз