Отандық кино саласының майталмандары Асанәлі Әшімов пен Тұңғышбай Жаманқұлов ақыры араздасып тыныпты.
Бұған дәлел Әшімов күні кеше өз алдына бөлек отау тігіп Қазақстан Театрлары қауымдастығын құрып алды. Әрі өзі осы қауымдастықтың президенті болып сайланды.
Әшімовтың бұл шешімін еліміздегі жетекші театрлардың басшылары да қолдаған екен.
Ал жаңадан құрылған қауымдастықтың мәлімдемесінде бар мәселе Тұңғышбай Жаманқұловқа тіреліп тұрғаны ашық айтылыпты.
“Одақтың жетекшісі Жаманқұлов әріптестерінің алдындағы абырой-беделін түсіріп алды. Жемқорлық дауында да төбе көрсетті. Атап айтқанда, “Феникс” фильміне қатысты атышулы дауда Театр қайраткерлері одағының президенті Жаманқұловтың аты жүр” делінген екен қауымдастық мәлімдемесінде.
Өз алдына одақ құрып алған Асанәлі Әшімовтың әрекетіне Тұңғышбай Жаманқұлов әзір жауап қатқан жоқ.