Түркмендер ақшасыз қалыпты
Ашхабадтағы банктер мен сауда нүктелерінде банкомат алдындағы ұзын-сонар кезек қалыпты жағдайға айналған. Тұрғындар банк карталарына аударылатын айлықтарын шешіп алуға тырысады, бірақ көпшілігіне қолма-қол ақша жетпей қалып жатыр.
Кезекте тұрған адамдардың сөздеріне қарағанда, банкоматтарға ақша аз салынатындықтан, ондағы қаражат бірден таусылып қала береді. Кезектегі кейбір адамдар бірден бірнеше картадан ақша шығарып алуға тырысады. Соның салдарынан көпшілігі банкоматқа ақша салынғанша ұзақ уақыт күтуге мәжбүр.
Түркіменстанда банк карталарымен есеп айырысу мүмкін емес деуге болады. Оның үстіне банкоматтан бір мәрте 1000 манат қана шешіп алуға болады.
Бюджет жұмысшыларының қолма-қол ақша алудың осындай қиыншылықтарына қарамастан, түркімен билігі зейнетақы, мүгедектер мен балалардың жәрдемақыларын банк картасына аудару мүмкіндігін қарастыра бастады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе