Қазақстан Республикасының азаматтары əлемнің 26 еліндегі 300-ден астам нысанды заңдастырған.
Бұл туралы бүгін Үкімет отырысында Қаржы министрі Бақыт Сұлтанов мəлім етті, деп хабарлайды ҚазАқпарат.
«Шетелдегі мүлік бойынша, егер жыл басында жария етілген мүлік құны (38 объект) 1 млрд теңгені құраған болса, бүгінде бұл сома 16,6 млрд теңгеге дейін жетті. Ал объектілердің саны 300-ге жақындады. Яғни, жылдың басынан жария етілген объектілердің саны 8 есеге, құны 16 есеге ұлғайды. Ал мүлік жария етілген шет елдердің саны 9-дан 26-ға дейін өсті»,-деді Бақыт Сұлтанов.
Министр хабарлағандай, қазақстандықтар Австрия, Болгария, Ұлыбритания, Венгрия, Виргин аралдары, Германия, Грузия, Испания, Италия, Қытай, Қырғызстан, Латвия, Литва, БАӘ, Ресей, АҚШ, Сингапур, Тайланд, Түркия, Түрікменстан, Өзбекстан, Чехия, Швейцария, Украина, Франция, Оңтүстік Корея елдеріндегі мүліктерін заңдастырған.