Сыр полицейлері Ақтөбеліктерге арнап қан тапсырды
2016 жылғы 5-маусым күні Ақтөбе қаласында болған лаңкестік шабуыл салдарынан зардап шеккен азаматтарға көмек қолын созу мақсатында қызылордалық полицейлер қан тапсыру шарасына өткізді, – деп хабарлайды облыстық ішкі істер департаментінің баспасөз қызметі.
Сөйтіп, Сыр өңірінің тәртіп сақшылары еліміз үшін қиын-қыстау сәтте туған халқымен бірге екендіктерін көрсетті.
Аталмыш шара Қызылорда облыстық Ішкі істер департаментінің ұйымдастыруымен маусым айының 13-15 күндері аралығында өткізілуде. Шараның басты мақсаты – қанды оқиғада көз жұмған құрбандарды еске алу және ауыр қазаға ұшыраған отбасылардың қайғысына ортақтасу, зардап шеккен азаматтарға көмек қолын созу.
13-маусымда таңғы сағат 9-дан бастап полиция қызметкерлері Облыстық медицина орталығына жиналып, өз еріктерімен қан тапсыру шарасын бастап кетті.
Қамқорлық акциясына түске дейін барлығы 50-ге жуық қызметкер қатысып, құқық қорғау органдары қызметкерлерінің «қиналғанға қол ұшын бер» принципін басшылыққа алатындықтарын дәлелдеді. Шара 15-маусымға дейін жалғасатын болады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз