Сұмдық! Түркістанда балаларын дуалға ұратын әкенің қылмысы әшкере болды (видео)
Түркістан облысында анасынан ерте айырылған балалар туған әкесі мен өгей шешесінен қорлық көріп отыр. Олардың нағашы әжесі немерелерінің қандай күн кешіп жүргенін “Пендеміз ғой” бағдарламасында ашып айтты деп жазады NUR.KZ.
Гүлбахор әжейдің айтуынша, оның қызы қатерлі ісік дертінен 2013 жылы қайтыс болған. Ол көзі тірісінде күйеуінен таяқ жеп, әбден азаптанған. Ауруханада жатқанында анасына “балаларымды Дәуренге бермеші, өзің қамқор болшы” деп аманаттаған.
“Қызым ауырып жатқанда оны үш баласымен бірге маған әкеліп тастады. Кішкентайы әлі бесікте жататын. Сол уақытта күйеу балам көрші әйелмен жүреді екен. Әйелінің қазасынан кейін бір жыл өтпей-ақ, екінші рет үйленіп алды. Сегіз ай өткен соң сот арқылы немерелерімді тартып алды”, – дейді Гүлбахор Тоқташова.
“Балалар сарайдың алдындағы екі итке құйған тамақты ішіп жүр. Оларға ешкім тамақ бермейді. Жаз бойы ауылда ағылып жатқан қарбыз, қызанақ дегенді жеп көрмеген.
Құдағиым (Дәуреннің анасы) да қазіргі келінінің ісін көзімен көріп отыр. Екеуміз балаларды дәрігерге алып бардық. Полицияға қайта арыздандық. Кішкентайлардың алған жарақаттарына, денсаулығының нашарлап кеткеніне қарамастан, оларға 75 мың теңге айыппұл салып қойды. Одан басқа ешқандай шара қолданбай, істі жауып тастады”, – дейді қария.
Енді Гүлбахор әжей немерелерін өз қамқорлығына алып, қатыгез ата-ананың тиісті жаза алуын қалайды. Осыған тиісті органдар назар аударып, балалардың бақытты өмір сүруіне қолдау көрсетуді сұрап отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе