Сұмдық! Пхеньян зымыран ұшырды
АҚШ, Жапония және Оңтүстік Корея Солтүстік Коряның баллистикалық зымыран ұшыруына байланысты Біріккен Ұлттар Ұйымын (БҰҰ) Қауіпсіздік Кеңесінің шұғыл отырысын өткізуге шақырды. Олар бұл қимыл БҰҰ резолюциясын бұзып отыр деп есептейді. Отырыс дүйсенбі күні кешкісін өтуі мүмкін.
Пхеньян жексенбі күні таңертең орта қашықтықтағы баллистикалық зымыранның жаңа түрін ұшырғанын мәлімдеді. Солтүстік Корея зымыран ядролық оқтұмсықты алып жүруге қабілетті дейді.
Сеул, Токио және Вашингтон солтүстіккореялық зымыранның ұшырылуын қадағалады. Әскерилер мұны орта қашықтықтағы “Мусудан” баллистикалық зымыранының жетілген түрі дейді, бірақ континентаралық зымыран емес.
Бұл Солтүстік Кореяның Дональд Трамп АҚШ президенті қызметіне кіріскеннен кейінгі алғашқы зымыран ұшыруы. Сарапшылар мұны жаңа әкімшілікке қыр көрсетуі дейді. Вашингтон Пхеньянға қатысты қаржылық санкцияларды күшейтіп, аймаққа америкалық теңіз әскерін көбейтетінін мәлімдеген.
AppleMark
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз