Шымкентте жеке клиникаға қаралуға барған полиция қызметкері қайтыс болды. Қазір тәртіп сақшысының қандай жағдайда көз жұмғаны тергеліп жатыр, деп хабарлайды ҚазАқпарат.
Қалалық ІІД баспасөз қызметінің хабарлауынша, 25 қыркүйек күні қаза тапқан полицейдің өлімі бойынша Қылмыстық кодекстің 317-бабы «Медицина немесе фармацевтика жұмыскерiнiң кәсiби мiндеттерiн тиiсiнше орындамауы» бойынша сотқа дейінгі тергеу амалдары жүргізіліп жатыр.
https://kaz.365info.kz/almatyda-ariptesinen-okh-zharakhatyn-algan-politsej-khajtys-boldy-333540
Шымкентте кәсіпкер дәріхананың жанынан емдеу мекемесін ашып алған. 30 жасында сәби сүюді армандаған ерлі-зайыпты дәрігер тағайындаған екпені алуға келген. Алайда соңы қайғылы жағдаймен аяқталды. Марқұмның туыстарының сөзінше, оған екпе салмастан бұрын сынама жасалмаған.
«Нұсқауды осы мекеменің дәрігері берген. Оның лицензиясы бар-жоғын білмейміз. Бұған дейін медбике екпе жасамағаны туралы өтірік айтқан. Кіріп барсам, жанбасында иненің ізі тұр. Қанның да ізін көрдім. 4 күн бұрын келгенде «проба» саламыз деген. Бүгін реакция болмайды дегенде, сынамасыз екпе жасаған», – дейді марқұмның туысы Нұршат Байшымырова.
Оқиға орнына келген тергеушілер емдеу мекемесінен үш қара полиэтилен пакетті алып шыққан. Туыстарының сөзінше, сол пакеттедің ішінде тәркіленген дәрі-дәрмек болған.
https://kaz.365info.kz/ministr-politsiya-khyzmetkerinin-olimine-bajlanysty-tysinik-berdi-333567
«Екі пакет «укол» алып келіпті. «Осыны қабылдасаңыз, әйеліңіз бала сүйеді», – деген. Келіншегі гинекологқа кіріп кеткен. Ал оның жамбасына 6 ине салады.
Сол кезде ол: «Әсия мен өзімді нашар сезініп тұрмын», — деген. Сөйтсе, дәрігер тағы да жатқызып, «система» салыпты. Сол кезде жігіт қайтыс болып кеткен», – дейді марқұмның туыстары.