Баян Есентаеваның қызы инстадағы жазылушыларының саны жөнінен атышуы шешесінен кем түспейді. Айсәуле өзін қойып LA деп атайтын (Лос-Анджелестен әкелген) итіне де жеке парақша ашып қойыпты. Сенбессіз, бірақ әлгі иттің парақшасына 7 мыңнан аса адам жазылып қойған.
Күні кеше ғана Баянның қызы осы итіне арналған Spa-салон іздеп, жер-көкке жар салған-ды. Онысына ұялмаған сияқты.
31 арнаның «Айта берсін» бағдарламасына сұхбат берген Айсәуле төрт аяқты досын әбден мақтапты, тегі адамдардан көңілі қалса керек деп болжадық.
«Білсеңіз, ит асырауды бала кезден армандағам. Алайда ата-анам рұқсат бермеді. Жақындарым әкемнің аллергиясы бар деп айтатын. Бірақ, бәрібір дегеніме жеттім. Итімді үйдегілер де жақсы көріп кетті. Ол тіпті бізбен бірге дастархан басында отырады. Ештеңеге жоламайды, рас айтамын. Жәй ғана отырады. Жалпы оны ит емес, адам сияқты қабылдаймын”
– депті Айсәуле.
https://kaz.365info.kz/sakhtangan-shygar-alagozov-bajlygyn-zhakhyndarynyn-atyna-audaryp-zhiberipti-251959
“Таза етпен қоректенеді. Оған арнап бөлек ботқа әзірлейміз”, – дейді Баянның қызы.
Ілгеріде Айсәуленің итіне адам сияқты қарайтынын айттық қой. Ол өз алдына екен.
“Болашақта бөлек шығарамын. Оның да толыққанды жеке өмірінің, сұлу әйелінің болғанын қалаймын. Бірақ, мұның бәрі кейін, өйткені ол қазір тым жас», – деп түйіндепті сөзін Айсәуле.
Айтыңыздаршы, Айсәуле сау ма осы?