Стратегиялық бағдарламаларда қателік жіберген басшыларды жазалау ұсынылды
Астана қаласының «Қазақстан-2050» демократиялық күштер коалициясы ҚР Президентінің Жолдауы мен билік тармақтарының құзырын үлестіру жөніндегі үндеуін талқыға салды.
Коалиция мүшелері Мемлекет басшысы ұсынған экономикалық бастамаларды және мемлекеттік басқару жүйесіндегі болашақ өзгерістерге қатысты қолдау білдірді, деп xабарлайды ҚазАқпарат. Сонымен қатар олар өз ұсыныстарын жеткізді.
«Біз xалықпен кездесеміз, сол кезде олар бағыт дұрыс екендігін айтуда. Экономика, әлеуметтік мәселелер орынды көтеріледі. Бірақ қарапайым xалыққа Президент құзырын Парламентке, Үкіметке үлестіру көп ештеңе білдірмейді, олар дастарxанда нан, үйде молшылық болса дейді. Біз бұның алдында айтылған Жолдаулардың орындалуына еш оралған емеспіз. Тағы да болашаққа міндеттер қойылды, ал бұрынғы тапсырмалар орындалмай сол күйі қалды», – дейді ол.
Ол мысал ретінде тек 80 пайызға орындалған «100 мектеп, 100 ауруxана» бағдарламасын мысалға келтірді. Сондай-ақ индустриалды бағдарлама аясында құрылған бірқатар кәсіпорындардың тұралап қалғанын айтты.
«Жаңа міндеттерді қоя отырып, шешілмеген сұрақтарға да мән берген жөн. Бірде бір министр, комитет басшысы бағдарламаның орындалмауына байланысты қызметінен босатылған жоқ. Тек жемқорлықпен ұсталғандары бар. Жұмысына ше? Анда жол үш жылдан бері салынбады, ауылда бес жыл xалық өзеннен су ішіп отыр деген ақпараттар қылаң беріп жатыр, әкімдер болса, қалай отырды, солай әлі жұмыс істеуде», – деп атап өтті ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе