Қазақстандық модель Ольга Семенованың арызы бойынша футболшы Андрей Аршавинның әйелі Алиса Казьминаға қатысты қозғалған қылмыстық іс тоқтатылды, деп хабарлады Алматы қалалық ішкі істер департаментінің баспасөз қызметі.
Полициядағылар атап өткендей, кісі өлтіру немесе денсаулыққа ауыр зардап келтіру жөніндегі қорқытулар расталмаған. Бұдан бұрын, футболшының жұбайына қатысты Қазақстан Республикасы Қылмыстық кодексінің 115-бабына, яғни қорқыту фактісіне сәйкес, қылмыстық іс қозғалған болатын.
Ішкі істер департаменті қылмыстық істің ағымдағы жылғы 21-ақпанда тоқтатылғанын хабарлады.
Ал енді ар-намысқа тіл тигізіп, адами қасиетті қорлағаны үшін жауапқа тарту мақсатында, тәртіп сақшыларының айтуынша, Ольга Семенова футболшының жұбайын қылмыстық жауапкершілікке тарту үшін сотқа арыздануға тиіс екен.
Естеріңізге салсақ, осыдан біраз бұрын Ольга Семенова Алиса Аршавинаның өзіне қоқан-лоқы көрсеткені туралы мәлімдеген болатын. Сөйтсек, желіге «Қайрат» футболшысының модельді құшақтап тұрған суреті шығып кетіпті. Бұдан кейін, бойжеткен Аршавинанының үстінен полицияға арыз түсірген болатын.
https://kaz.365info.kz/khajdagy-arshavin-orystyn-sylkhymy-najmanmen-zhyrgenin-mojyndady-video-302955
Сондай-ақ модель танысының оған Алиса Аршавинамен татуласуды ұсынғанын айтты, алайда Семенова бір шарт қойыпты – өзінен кешірім сұрауды талап еткен.