Солтүстік Қазақстанда Сергеев қоймасының суы тасыды
Қазір ол Есіл өзеніне құйылып жатыр. Енді оның көбесі сөгіліп, сең жүреді. Қазір қатты ағыс мұздың үстімен Петропавл жаққа бет алды.
Өзен арнасынан асса, жағадағы 20 шақты елді-мекен су астында қалуы мүмкін деп хабарлады “Хабар-24” телеарнасы.
Бұл ретте төтенше жағдайлар қызметкерлері тағы да ұшаққа мініп, жағдайды жоғарыдан бақылап шықты. Өңірде қар еріп, қызыл су 6 жол аумағына жайылған. Құтқарушылардың айтуынша, Ақмола облысындағы Шағалалы су қоймасынан аққан ағыс Тайынша ауданына қауіп төндіріп тұр. Сондықтан көктемгі тасқынның алдын алу шаралары күшейтіліп отыр.
Ерік Сарыбаев, облыстық ТЖД басшысының орынбасары:
– Облыс бойынша әлі де қауіп толығымен кетті деп айтуға болмайды. Бұл Үлкен Тараңғұл көлі бойынша және Есіл өзеніндегі су деңгейінің көтерілуі бойынша әлі де қауіптер бар. Облыс аумағында осы күнге дейін бір де бір үйді су басу оқиғасы орын алған жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз