Скляр Қазақстанның ресейлік вакцинаны сатып алу ниетіне қатысты пікір білдірді

«Біріншіден, Гамалея атындағы Ресей вирусология институты алғашқылардың бірі болып вакцинаны тіркегенін атап өткім келеді. Біз Ресей Федерациясындағы вирусологияның  ғылым ретіндегі деңгейінің жоғарылығын мойындаймыз. Сондықтан 24 тамызда біз үкіметтік делегация құрамында алдын ала келісімге қол қойдық, —

деген Склярдың сөзін inform.kz келтіреді. —

Құжатқа сәйкес Ресей Федерациясы сынақтың үшінші кезеңінен өткеннен кейін вакцинаны алғашқылардың бірі болып Қазақстанға сатуға міндеттеледі. Қазір сынақтың екі кезеңі өтті.

Барлық тиісті сынақтардан өткеннен кейін оны сатып алу туралы шешім қабылданады. Бұл келісім –  барлық қажетті процедуралар өткізілгеннен кейін оны сатып алу ниеті мен мүмкіндігі».

Ресейлік вакцинаны сынаудың үшінші кезеңі қыста аяқталады деп күтілуде.