“Сириялыққа ғашық болып қалдым”. “Ислам мемлекетіне” қосылғысы келген тағы бір қыз ұсталды

Студент қыз Мәскеуде 2015 жылдың 27 мамырында жоғалып кеткен. Сол жылы маусым айында түрік-сирия шекарасында 13 ресейлік ұсталған, солардың арасында Караулова да болған. Тергеу ісіне сәйкес, ұсталғандар Сирияға барып, «Ислам мемлекеті» экстремистік ұйымының құрамына кірмек болған. Караулова Мәскеуге келіп, аты-жөнін өзгерткен. Оған террористік ұйымның құрамына кірмек болды деген айып тағылды.

Тергеу кезінде студент кінәсін мойындаған. Қыздың ата-анасы интернет арқылы танысқан виртуалды жігітке ессіз ғашық болды, ғашығы ИМ өкілі болып шықты дейді.