Сирияның Идлиб провинциясында ресейлік Ми-8 тікұшағы атып түсірілді. Ресейдің Қорғаныс министрлігінің алдын ала мәліметі бойынша, ұшақ бортындағы бес жауынгердің бәрі қаза тапты. Мәлімет расталған жағдайда, Сирияда қайтыс болған ресейлік сарбаздар саны 19-ға жетеді.
Башар Асад жүйесіне қарсы оппозициялық исламшылдар, солардың ішінде «Әл Қайдадан» бөлініп шыққан бұрынғы “Ан-Нусра” – «Фатх аш-Шам Майданы” Идлибті толықтай бақылауда ұстап отыр. Тікұшақты жанжалдасушы тараптардың қайсысы құлатып түсіргені әзірге белгісіз.
Сириялық адам құқығын қорғаушылар және жергілікті тұрғындар Алепподағы тұрғын аудандардың бомабалануына ресейлік тарапты бірнеше мәрте айыптаған болатын.