Шымкенттегі жеке клиникада полицейдің өлімі бойынша тексеру шаралары жүргізіледі. Бұл туралы қалалық Денсаулық сақтау басқармасы мәлім етті, деп хабарлайды ҚазАқпарат.
Тексеру ОҚО бойынша Қоғамдық денсаулық сақтау департаменті мамандары тарапынан жүргізіледі.
«25 қыркүйек күні жедел жәрдем қызметкерлері келгенге дейін жекеменшік орталықтағы азаматтың қайтыс болғаны анықталған. Жеке медицина орталығындағы қызметкерлердің айтуынша, екпе салынғаннан кейін ол есінен танып қалған. Оқыс жағдайға байланысты, тексеру жұмыстарын жүргізу үшін Шымкент қаласының денсаулық сақтау басқармасы ОҚО бойынша Қоғамдық денсаулық сақтау департаментіне хат жолданды» делінген хабарламада.