Шымкентте жоғалған 16 жастағы қыз табылды
Шымкент қаласының полиция қызметкерлері жоғалып кеткен 16 жасар Айдана Қахраманованы тапты.
Биыл 31-шілдеде Шымкент қаласы ішкі істер департаментіне қарасты Әл-Фараби атындағы полиция бөлімшесіне 41 жастағы келіншек өзінің 16 жасар қызы Айдана Қахраманованың жоғалып кеткенін хабарлаған. Ол 28-шілдеде түскі шамамен 14:00 уақытында үйден шығып кетіп, содан оралмаған.
Қызды іздестіру жұмысына қалалық полиция бөлімшесінің барлық жасағы жұмылдырылды. Оңтүстік Қазақстан облысы ішкі істер департаментінің барлық бөлімшесіне Айдана Қахраманованың суреті мен белгілері жолданды.
Бүгін, 4-тамызда күндіз Шымкент қаласы ішкі істер департаментіне қарасты Әл-Фараби атындағы полиция бөлімшесінің шұғыл іздестіру жұмысына жұмылдырылған қызметкерлері қызды тапты. Ол аман-есен қаладағы құрбысының үйінде болып шықты. Тәртіп сақшылары 16 жасар қызды ата-анасының қолына табыстады.
Полициядағылар болған оқиғаның мән-жайын анықтап жатыр. Тергеу жұмыстары жүргізілуде.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз