Шымкентте монша әкімшісі жеңгетай болып шықты.
Түнгі көбелектердің саудасын саунада жүргізген әйел жергілікті полиция өткізген арнайы тексеру шарасының барысында қолға түскен.
30 жастағы жеңгетайға қатысты қылмыстық іс қозғалып, тергеу жұмыстары жүргізілуде.
Адам саудасына жол бермеуге қатысты арнайы шара өткізген ОҚО-ң полициясы бірнеше қылмыстың бетін ашты. Адамдарды тәнін саудалау мен еңбекке мәжбүрлеуге қарсы қолға алынған рейд кезінде ОҚО ІІД Ұйымдасқан қылмысқа қарсы басқармасының қызметкерлері бірқатар нысандарды тексеріп шыққан.
Жалпы рейд кезінде 40-қа жуық қыз-келіншектің тәнін саудаға салып жүргені анықталды.
Олардың барлығы ішкі істер органдарының арнайы есебіне алынды, деп хабарлайды ОҚО ІІД баспасөз-қызметі.
Жыл басынан бері жезөкшелік пен жеңгетайлықпен айналысуға жағдай жасап, ұйымдастырған 11 адамға қатысты қылмыс ашылған.