Шымкентте зейнетақы ақшасын “жеген” пошта бастығы 5 жылға сотталды
Шымкентте қарттардың зейнетақысы мен әлеуметтік жәрдемақыларын жымқырған пошта бөлімшесінің бастығы сотталды.
Еңбекші аудандық соты 9 млн теңгеден аса қаражатты қалтаға басқан әйелді бас бостандығынан айырды.
Б.Г есімді айыпталушы Шымкент қаласына қарасты Еңбекші ауданы аумағында пошта бөлімшесінің бастығы болған. Өз қызметін асыра пайдаланып ол өткен жылдың наурыз-сәуір айлары аралығында тиісті бағдарламаға жалған ақпараттар енгізіпті. Осылайша мемлекет есебінен 26 азаматқа бөлінген қаражаттан 9 306 987 теңгені қалтасына басып қалғаны анықталады. Алайда оңай жерден олжалы болғысы келген қызметкердің арам ойы іске аспай қалды. Оның жасаған қылмысы әшкере болып, тергеу абақтысына қамалған.
Сотталушы сондай-ақ мемлекетке келтірген шығынды толығымен өтеуге міндеттелді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе