Куәгерлердің айтуынша, қалаға сәбиді атасы алып келген.
Ол кісі Жетісайға барып, баланы тәуіпке көрсетіп қайтқан, деп хабарлайды TVK.
Мәлім болғандай, тәуіптен үйіне қайтып оралған атасы көліктен түсе бергенде, көше бойында бала қалшылдап қоя берген. Жақын маңдағы дәріхана әкімшісінің айтуынша, қыз баланың аяқ-қолы тартылып, селкілдей бастаған. Фармацевтер балаға көмек көрсетіп, жедел жәрдем көлігін шақырған. Алайда, олар келгенше сәби шетінеп кеткен.
Алдын ала болжам бойынша, сәбидің тыныс жолдарында дерт болған.