Шымкентте полиция подполковнигі жұмыссыздарды тонап келген
Шымкент қалалық Еңбекші ауданының жергілікті полиция бастығы Бегалы Серікбай тұтқындалды.
Оған мемлекет қаражатын қолды қылған ұйымдасқан қылмыстық топтың мүшесі деген күдік тағылуда.
ОҚО мемлекеттік кірістер департаментінің мәліметіне сүйенсек, жергілікті сотымен шендіні қамауда ұстау туралы бұлтартпау шарасы санкцияланды.
Лауазымды азамат жұмыссыздарды әлеуметтік қызметпен қамтуға бөлінетін бюджет қаржысын ұзақ уақыт бойы, жүйелі түрде жымқырып келген. Шендінің қолдауында болған қылмыстық топ соңғы екі жылда талай адамды тазға отырғызыпты. Әзірге зардап шеккендердің жалпы саны белгісіз.
Осыдан бір ай бұрын қаладағы банкоматтардың бірінен бірден бірнеше банк картасынан ақша алып жатқан əйел қолға түскен болатын. Тексеру кезінде одан 180 банк картасы, 22 жеке куәлік пен 52 банк түбіртегі және 21 еңбек кітапшасы табылған. Қыруар қаражатпен қолға түскен қылмыскерге қолдау көрсетіп келген деген күдікпен енді полиция подполковнигі тұзаққа түсті.
Жапа шеккен жұмыссыз азаматтар топ мүшелеріне сенімхаттарды өз қолдарымен жазып бергені анықталды. Олардың барлығына қылмыстық топ бюджет есебінен берілетін көмектің шамамен 5-10 мың теңгесін қолдарына ұстатып, қалғанын қалталарына басып келген.
Суретте: ұсталған подполковник
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе