Шымкентте қорғанамын деп күйеуін өлтіріп алған әйелге аяушылық жасалмады
Облыстық қылмысты істер жөніндегі ауданаралық мамандандырылған сотта бүгін Болдықыз Аманбаеваға үкім оқылды.
34 жастағы келіншек өзінің азаматтық некедегі күйеуін өлтірді деген айыппен сотталып отыр деп хабарлады Отырар телеарнасы.
Өткен жылдың жазында Ордабасы ауданының тұрғыны Болдықыз бен оның азаматтық некедегі күйеуі арасында жанжал туындаған. Соңы пышақ сұғумен аяқталады. Қантөгіске куә болған Болдығыздың екі баласы мен егде жастағы анасы сотталушы қорғану мақсатында әрекет жасады деп отыр.
Ал осы арада жәбірленуші тараптың өкілдері тергеушілер кісі өлтіру қылмысының барлық қатысушыларын анықтамады деген пікір айтуда.
Марқұмның отбасында 4 баласы бар. Ал сотталушының соңында екі баласы қалды. Оның біреуі — мерт болған азаматтан туған қыз. Бұл шешім әлі заңды күшіне енген жоқ. Екі тарап та апелляциялық шағым түсіреміз деп отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе