Қайтыс болған Түркия азаматының жасы – 54-те.
Шетелдік жұмадан сенбіге қараған түні көз жұмған сыңайлы. Оның өлімінің себебін жергілікті полицейлер зерттейтін болады деп хабарлады TVK.
1962 жылғы Түркия азаматы қасындағы грузин серігі екеуі демалу үшін қонақ үйге жұма күні кешкісін тоқтаған. Куәгерлердің айтуынша, ішімдікке әбден тойған гүржін жігіті ұйықтап қалған, ал оның түрік серігі моншада парда демалғысы келіп, қалып қойған.
Таңертең қонақ үй әкімшісі көлік жүргізушілерін оятпақ болғанымен, есікті ешкім ашпаған. Ақыры күзетші саунаның есігін бұзып, ішке енеді. Сөйтсе түрік азаматы көз жұмыпты.