Шымкентте алғаш рет мәйіттік донорға ота жасалды
Түркістан облысында бірінші рет мәйіттік донорға ота жасалды. Облыстық клиникалық ауруханасының дәрігерлері жол апатынан кейін мед мекемеге ауыр халде жеткізіліп, қайтыс болған 18 жастағы жігіттің ағзасын төрт науқасқа хирургиялық жолмен бөліп берді.
Мәліметтерге сенсек, донор жол апатынан зардап шегіп, ауруханада көз жұмды. Енді оның жүрегі басқа адамға ауыстырылады. Бейнежазбада жүректі трансплантациялау үшін арнайы қорапқа салып, алып жатқаны байқалады.
«Түркістан облысы бойынша мәйіттен ағза алу отасы тарихта алғаш рет өтуде. Бір бүйрек облыстық клинкиалық аруханада қалады. Жүрегі Шымкенттегі жүрек орталығына жіберіледі. Бауыры Алматыға, өкпесі мен бір бүйрегі Астана қаласына жіберіледі», – деді Республикалық транспланттау орталығының Түркістан облысы бойынша өңірлік үйлестірушісі Әмірхан Сандыбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе