Шымкент қаласының әкімі Ғабидолла Әбдірахымов шаһардың әкімшілік аумағына қосылған елді-мекендерге қоғамдық көлік қатынай бастайтындығын жеткізді.
Бұл туралы “Хабар-24” телеарнасы хабарлады.
Қала басшысы Ерубаев атындағы №24 мектепте өткен Еңбекші ауданының әкімі Ғалымжан Ильясовтің жылдық есебіне қатысты. Аудан әкімі жүзеге асқан жобалар мен оң өзгерістерге тоқталып, келешек жоспарларымен бөлісті.
Бірқатар азаматтар атқарылып жатқан игі істерге, ел үшін еңбек етіп жатқан аудан, қала басшыларына алғыстарын білдірді. Тұрғындардың қаладағы қоғамдық көлік қызметі мен оның сапасына қатысты айтқан өтінішіне қала әкімі Ғабидолла Әбдіраxымов биылғы жаз айында қосымша 240 автобус сатып алынатынын жеткізді. Сондай-ақ алдағы уақытта қалаға қосылған 40 елді-мекенге 10 бағытта қоғамдық көлік қатынай бастайды, жаңадан 100 автобус сатып алынады.