Оңтүстік Қазақстанда интернетте мемлекеттік бағдарламамен тегін пәтер алып береміз деген хабарландыру тарап жатыр. Алаяқтар «Отырар» медиахолдингінің атын жамылған.
Бұл туралы “Отырар” телеарнасы хабарлады. Бүркеншік атты жамылғандар бар болғаны 20 мың теңгеге үй алып береміз деп халықты сендіреді.
Ірі медиахолдинг тілшісінің атын жамылып, жарнама бергендердің кім екені әзірге белгісіз. Рыскүл есімді қала тұрғыны жарнамада көрсетілген нөмірге хабарласып, тексермек болады. Бірақ, телефон өшірулі. Олар тек WhatsApp желісі арқылы хат алмасады екен. Мұның өзі күдік туғызатын себептің бірі.
Тура осы оқиғаға ұқсас жағдай биыл Астана қаласында орын алғанын еске сала кетелік. Ол кезде бұрын сотты болған 30 жастағы келіншек ұсталған болатын.