Шымкент қаласы әкімдігі мен мәслихат депутаттары қала мәртебесі туралы бірлескен шешім қабылдады, деп хабарлайды әкімдіктің ресми сайты.
Бұл туралы Sputnik.kz хабарлады.
Қалалық мәслихаттың кезектен тыс жиырма тоғызыншы сессиясына Оңтүстік Қазақстан облысы әкімі Жансейіт Түймебаев, қала әкімі Нұрлан Сауранбаев, қалалық мәслихат депутаттары мен қала белсенділері қатысқан.
“Сессияда Шымкент қаласының әкімдігі мен мәслихаты Шымкент қаласына республикалық маңызы бар қала мәртебесін беруге ұсыныс жасау туралы бірлескен шешімге қол қойды. Енді бұл құжат Оңтүстік Қазақстан облыстық мәслихатының қарауына ұсынылады”, — делінген хабарламада.
“Сессияда тарихи құжатқа қол қойылды, бұл Шымкенттің республикалық маңызы бар қала мәртебесін алуда ауқымды жұмыстың бастауы болды” деп атап өтті.