Шымкент әкімі Азиададан жүлдемен оралған спортшыларға қаржылай сыйлық берді
Шымкент басшысы Ғабидолла Әбдіраxымов танымал қазақ көркем гимнастшысы Әлия Юсупова бастаған жаттықтырушылар мен спортшыларға қаржылай сыйлық берді.
Бұл туралы Nur.kz хабарлады.
Әбдіраxымов XVIII жазғы Азия Ойындарынан жүлдемен оралған спортшыларды қабылдап, ел намысын абыроймен қорғап келген саңлақтарға алғысын білдірді. Тек құттықтап қана қоймай, қаржылай сыйлық тарту етті.
Айта кетейік, осы жылдың 18 тамызы мен 2 қыркүйегі аралығында Индонезияның Джакарта және Палембанг қалаларында XVIII жазғы Азия ойындары өтті.
Аталған ойында 36 шымкенттік спортшы бағын сынап, оның 14-і жүлделі орын алды. Ерекше атап өтерлігі, спорттың көркем гимнастика түрінен шымкенттік қыздар командалық есепте бірінші орынға ие болса, жекелей жарыста Алина Адилxанова алтын медальды ел қоржынына салды.
Жас спортшылардың бұл жеңісі қазақстандық жанкүйерлер үшін көптен күткен жүлде болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе