“…Шығынды кейін есептейміз”. Үкімет су тасқынына байланысты өтемақы төлеуге дайын емес

18 сәуiр 2017, 11:15

Бүгінде Ақмола, Ақтөбе, Қарағанды, Солтүстік Қазақстан облыстарында мыңннан астам баспана судың астында қалды. Қауіпті аймақ қатарына Шығыс Қазақстан облысы да қосылуы мүмкін. Ал тасқын салдарынан қазір үш өңірде: Қарағанды, Жезқазған, Қостанайда жол жабық.

“Су тасқыны салдарынан облыстық жолдарға да зиян келді. Мәселен, Оңтүстік Қазақстан облысында республикалық жолды байланыстырып тұрған көпір құлады. Бірқатар республикалық трассаларда қозғалыс тоқтатылды”, – деді ҚР Ішкі істер вице-министрі Юрий Ильин.

Бұған дейін Ақтөбеде болған су тасқынынан 579 үй қирап қалғаны хабарланған еді. Сондай-ақ, Ақмола облысында тасқын судың балалар мінген автобусты ағызып әкеткені де жарияланған.