Шығыс Қазақстанда Қалжыр өзенінде сең көшіп, бөгет бұзылды

Қазіргі уақытта эксковатордың көмегімен өзен арнасын кептелістерден тазарту жүргізілуде және алдағы уақытта суды бөгеттен негізгі арнасына бұру, сондай-ақ бөгетті қайта қалпына келтіру жоспарлануда.

Төтенше жағдайды жоюға Қалжыр ауылдық округінің әкімшілігі, Қазселденқорғау қызметкерлері және аудандық төтенше жағдайлар комитетінің құтқарушылары қатысуда.

Бөгетті бұзған судан зардап шеккендер туралы әзірге мәлімет жоқ.

Қалжыр өзені – Шығыс Қазақстан облысындағы Марқакөлден бастау алатын, Ертіс өзенінің оң сығанағы.