Шығыс Қазақстан облысында оқушы қыз жоғалып кетті
Шығыс Қазақстан облысында мектепке кеткен қыз ұшты-күйлі жоғалып кетті.
15 жастағы Наталья Угольникова 19-желтоқсанда Өскеменнің Защита ауданындағы №22 мектепке сабаққа кетіп, содан үйіне оралмаған деп хабарлады YK-news.kz.
Соңғы деректерге сәйкес, сол күні оқушы қыз мектепте де болмапты. Оны мұғалімдері де, сыныптастары да көрмеген. Осы күні беймәлім біреу қыздың «ВКонтакте» әлеуметтік желісіндегі парақшасын жойып, жаңасын ашқан. Ал жаңасына жазылған хабарламаға ешқандай жауап жоқ.
– Біз хат жаздық. Бірақ жауап жоқ, – дейді оқушы қыздың тәтесі Екатерина Дьякова. Оның айтуынша, қыздың үш жан құрбысы да оған хат жазған, бірақ ол ешқайсысына жауап қатпаған.
Еске сала кетелік, жоғалған күні Наталья Угольникованың үстінде жасыл күртешесі, ашық жасыл шапкасы, күлгін түсті арқа дорбасы болған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз