ШҚО-да қызы анасын тонап, бірге тұрып жатқан ер адамды өлтірген
Өскеменнің тұрғыны туған анасына қоқан-лоқы көрсетіп, алтын сырғасын күшпен тартып алып кеткен.
Бұл туралы Ктк хабарлады.
Анасының сырғасын ломбардқа салып, алған ішімдігін ол өзімен тұрып жатқан ер адаммен бірге ішеді. Араққа сылқия тойып алған ер адам әйелге ұялы телефонымды ұрладың деп айыптап, тәртіпке салмақ болған. Мойындату үшін ұрып-соға бастайды.
Өзін қорғамақ болған әйел жәбірлеушінің жүрегіне пышақ сұғып алады. Алған жарақаттан ер адам сол жерде жан тапсырды. Сотта оның ісі екі бап бойынша қаралды – тонау және қажетті қорғану шегінен асып, кісі өлтіру.
Ол сот шешімімен кінәлі деп табылып, қауіпсіздігі барынша төмен мекемеде бір жыл бас бостандығынан айыру және нашақорлықтан мәжбүрлі түрде емдеу жазасы тағайындалды. 400 мыңға жуық барлық процессуалды шығындар мемлекеттің есебіне алынды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз