Шығыс Қазақстан облысының әкімі Даниал Ахметов Риддер қаласы әкімі орынбасарының жас жігітті қағып кетуіне қатысты түсініктеме берді.
Бұл туралы Sputnik.kz хабарлады.
“Бұл шынымен де қайғылы жағдай. Кеше ол (Риддер әкімінің орынбасары –автор ескертп.) қамауға алынды. Бүгін біздің құқық қорғау органдары тиісті процедураны жалғастырып жатыр. Марқұмның ата-анасына көңіл айтып, кешірім сұрадық. Енді сот тергеуінің аяқталғанын күтеміз”, — деді Ахметов үкімет отырысынан кейін.
https://kaz.365info.kz/daniyal-ahmetov-kisi-khagyp-oltirgen-sheneuniktin-isin-oz-bakhylauyna-aldy-311391
Еске салып өтсек, Риддер әкімінің орынбасары 19 жастағы жігітті көлігімен қағып өлтірді. Жол-көлік оқиғасы кезінде 45 жастағы жүргізуші мас болған.
Қазір шенеунік уақытшы ұстау абақтысында отыр, ҚР Қылмыстық кодексінің 345-бабы 3-бөлігі бойынша қылмыстық іс қозғалды.