Шекарада тікенек сымды бұзып өткен адамды ұстады
Өткен түні сағат 23:05-те түскен дабыл белгісінен кейін Қазақстан Республикасы ҰҚК Шекара қызметінің Жаркент шекара отряды мен соған қарасты «Қорғас», онымен көршілес «Басқұншы», «Ынталы» заставалары түн ауғанша тынымсыз жұмыс жасады.
Маңдайшамда жыпылықтаған аумаққа қарай шұғыл аттанған дабыл тобы тікенек сымды қоршауды бұзып өткен бір адамның ізін анықтап, оған ізшіл итті салды. Бұл уақытта отрядтың жеке құрамы мен көршілес заставалар да дабыл белгісімен көтеріліп, жолға шыққан.
ҚР ҰҚК ШҚ баспасөз қызметінің айтуынша, сағат түнгі 01:42-де оң қапталдағы «Басқұншы» шекара заставасы бастығының орынбасары бастаған төрт шекарашы сарбаз «Ром» атты қызметтік иттің көмегімен ішке қарай 5200 метрге кіріп үлгерген «шақырылмаған қонақты» ұстады.
Ұсталған адам қытай тілінде ғана сөйлейді. Жолқапшығынан 1990 жылы туған ҚХР азаматының төлқұжаты, 3 дана газды оттық, азық-түлік қоры табылды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз