“Шампан атылды”. Қырғыз президенті сайлауының жеңімпазы анықталды (видео)
Қырғыз Республикасындағы президент сайлау додасына Социал-демократиялық партияның атынан түскен Сооронбай Жээнбеков 54,75 пайыз дауыс жинап, жеңіске жетті.
Бұл туралы Қырғыз Республикасының Орталық сайлау комитетінің таратқан мәліметінде айтылады.
Желіде Жээнбековтің штабындағылардың жеңісті тойлап жатқанының видеосы да пайда болды.
Қырғыз Республикасының Орталық сайлау комитетінің мәліметінше, бюллетеньдердің 97 пайызы дауыстарды автомат есептеу жүйесі арқылы есептелген. Өз кезегінде кандидат Омурбек Бабановтың штабы қазіргі уақытта “алдын ала автомат сайлау бюллетеньдерін салатын арнайы жәшіктердің есептеушіндегі ереже бұзушылықтардың және сәйкессіздіктер туралы барлық дерек жинақталып жатқанын” мәлімдеді.
ІІІ-орында “Бутун Қырғызстан” партиясының басшысы Адахан Мадумаров – 6,47 пайыз дауыс жинаған. Республика бойынша 2 375 сайлау учаскесі жұмыс істеді, оның 234-і Бішкекте.
Еске сала кетейік, осыған дейін 12-қазаннан бастап Бішкектегі ішкі істер органдарының барлық құрамының күшейтілген режимге өткені хабарланған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе