“Қазақ елі” сериалының 1-2 бөлімін көріп шығып, ызадан жарылардай болдым. Керей мен Жәнібектің жиырма шақты ойратпен қанжоса болып соғысқанына сөз шығындап қажеті жоқ” деп жазыпты Abai.kz сайтында журналист Шәріпхан Қайсар. Бұл ретте ол кино түсірушілердің қазақы танымнан мүлдем хабары жоқ екенін дәлелдейтін бірнеше дерек келтірген екен.
2. Қабір басына мәйітті жатқызып қойып, кемпірге жоқтау айтқызу не үшін қажет болды?
3. Мәйіттің жанына әйелдерді отырғызып жоқтау айтқызып қойып, жалғыз шалдың қабір қазып жатуы нені білдіреді?
4. Киіз үйлерді жер жетпегендей өте жақын тіккен. Киіз үй емес, сахалардың лашығы секілді бірдеме…
5. Әбілқайыр Шайбанидың немересінің басында өзбектің атласы неге жүр?
6. Ханның мұрагері саналатын еркетотай немере атасының ордасына атпен кіріп кетуі ақылға сыймайды. Атты бастықтыратындай жігерден ада жігіттің актерлік шеберлігі күлкі шақырады.
7. Аң аулауға шыққандар түлкіге дәл ауылдың (киіз үйлер көрініп қалды) іргесінен бүркіт салуы – білімсіздік пе, жоқ әлде… Не аң, не сериал түсірушілердің ақылы орнында емес деуге болады.
Әрине, сериалды толық көріп шықпағандықтан қазірге осы жеті дерекпен тоқтай тұралық. Алда, мұнан да сорақы қателіктер кездеспесе екен деп тілейміз.
“Бұл сериал қазақтың рухын көтеру үшін емес, ұлтты масқаралауды мақсат еткен” деуге әлі ерте. Бірақ, басталуы көрерменнің көңілін қалдырғанын мойындауымыз керек.
Дереккөз: Abai.kz