Семейдегі республикалық Абайдың қорық мұражайы тағы бір жәдігермен толықты.
Осыдан бір ғасыр бұрын жасалған Шәкәрім қажының шақшасын ойшыл ақынның Қарағанды қаласындағы жамағайын туыстары табыс етіп отыр деп хабарлады „Хабар-24„.
Мейрамгүл Қайрамбаева, Абай музейі директорының орынбасары:
– Шақшаның сақталуы өте жақсы. Оның өзінің тікелей қолданыста болғаны көрініп тұр. Ішінде насыбайдың қалдықтары бар деуге болады. Бірақ қолданыста болса да көзінің қарашығындай сақтап, бізге осы уақытқа дейін жеткізген Әзімбаевтар отбасына үлкен алғысымызды білдіреміз. Дәл биыл Шәкәрімнің 160 жылдығына қарсы мұндай жәдігер табылуы үлкен олжа.