Алдын ала болжам бойынша апатқа газбен қамсыздандырылған жылу қазандығының жарылуы себеп болған.
Қазақстандағы Қарағанды облысында бес қабатты үйдің бір бөлігінің опырылып түсуіне жертөледегі жылу қазандығының жарылуы себеп болуы мүмкін деп хабар таратты Риа Новости.
“Алдын ала болжам бойынша, апат жылу қазандығының жарылуынан орын алған. Ал ол көпқабатты үйдің жертөлесінде орналасқан” дейді ҚР Ішкі істер министрлігі.
ҚР ІІМ Төтенше жағдайлар комитетінің ресми өкілі Руслан Иманқұловтың айтуынша, сондай-ақ үйінді астынан тірі қалған 32 жастағы ер адам табылды.
Апат орнында құтқару жұмыстары жалғасып жатыр. Оған шамамен 280 адам мен 16 техника жұмылдырылған. Оқыс оқиғаның себебі анықталуда.
Айта кетейік, Шахан кентіндегі әкімдікте құрылған жедел штабта «Шұғыл желі» телефоны ашылды: 8/72156/3-24-17.