Шахандағы тұрғын үй апатынан зардап шеккендерге ашылған алғашқы шот бұғатталды
Қарағанды облысының әкімдігі Шахтинскідегі құлаған үйден зардап шеккендер үшін арнайы шот ашу кезінде жіберілген техникалық олқылық үшін кешірім сұрады.
Айта кетелік, алдында арнайы шот ашылғандығы хабарланған, алайда кейіннен белгілі болғандай, ол жұмыс істемейтін болып шықты деп хабарлады Tengrinews.kz.
“Техникалық ақау болған. Ол есеп-шот бұғатталды, сондықтан ешқандай ақшаны қабылдай алмайды. Егер жұмыс істемейтін шотқа ақша аударылып кетсе, ол автоматты түрде өз иесіне кері қайтарылады. Шот 3-қаңтарда ашылды” деді Қарағанды облысы әкімдігінің ресми өкілі Дулат Аманжол.
“Цеснабанк” АҚ-тың Қарағандыдағы филалы, БИН 040541008233, Есеп-шот KZ95998HTB0000329507, ИИН 140740000667, КБЕ 18, БИК ТSESKZKA
Еске сала кетелік, 1-қаңтарда түнге қарай Қарағанды облысы Шахтинск қаласы, Шахан ауылындағы бесқабатты тұрғын үйдің жертөледегі жылу қазандығы жарылып, үйдің бір бөлігі опырылып түскен. Сол бөлікте тұратын 30 адамның 9-ы қаза тапты. Зардап шеккендер түрлі жарақатпен ауруханаға жеткізілді. Қазір аяқ-асты қайғы жұтқан осы үйдің тұрғындарына қазақстандықтар жаппай жылу жинап жатыр. Соның бірі – Қазақстан ұлттық телеарнасы мен “Нұр Отан” саяси партиясы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе