Сенатор тыйым салынған қаба сақал мен қара киімге қатысты пікірін айтты
Сенат депутаты Бірғаным Әйтімова Президент Нұрсұлтан Назарбаевтың қазақстандықтарға қара киімге тыйым салуға қатысты ұсынысына пікір білдірді.
Бұл туралы Tengrinews.kz хабарлады.
“Адамдардың діни сенім бостандығына деген құқығы бар. Бұл құқық адамға мүмкіндігінше жан-жақты беріледі. Сондай-ақ, Конституцияда Қазақстан зайырлы мемлекет ретінде көрсетілген, сондықтан зайырлы мемлекеттің ережелері мен заңдары барлығына бірдей болуы тиіс. Сол себепті барлық отбасыға және балаларға осыны түсіндіру керек. Мектепке қалай киіну керектігін балалардың өздері шешпейтіні анық”, – деді Әйтімова.
“Діни елдерде басқа заңдар жүзеге асырылады. Біз басқа елді мысалға алып, өз елімізді солар сияқты толықтай өзгерте алмаймыз. Біз зайырлы мемлекеттің заңдары бойынша өмір сүреміз, сондықтан мүмкіндіктерді барынша қарастыру керек”, – деді депутат.
Еске сала кетейік, осыған дейін Мемлекет басшысы қысқа балақ пен сақал қоюға тыйым салу керектігін айтқан еді.
“Діни сауатсыздығының нәтижесінде жастарымыз сақал қойып, шалбарының балақтарын қысқартып тастайды. Қара көйлек киіп, беті-аузын тұмшалаған қыздарымыздың қатары көбейді. Бұл біздің дәстүрімізге де, халқымызға да жат. Бұған заңнамалық деңгейде тыйым салу мәселесін пысықтау керек. Қазақ қара киімді қаралы кезде ғана киеді”, – деген еді Назарбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе