“Сен мықтысың!”. Димаш Құдайбергенді марапаттау сәтінің видеосы жарияланды

Сүйінші! Димаш Құдайберген Қытайда кіл мықты әншілер іріктеліп алынған “Мен әншімін” телебайқауының алғашқы кезеңінен сүрінбей өтіп, бәрінен оқ бойы озық шықты.

22 жастағы жерлесіміз «SOS d’un terrien en détresse» атты француз әнін шырқады.

Димаш әлеуметтік желіде байқауалды жазбасының бірінде: “Дауысымды сан құбылтып, баршаның есін шығарамын” деп еді. Айтқанындай-ақ аузын ашып, басын шайқаған Қытай аудиториясы Димашқа бір реттен “ғашық” болды. Ол бірінші кезеңнен еш қиналыссыз, сүрінбей өтті. Оған алда тек сәттілік тілейміз!