Семейде төрт адам лифт ішінде қамалып қалған

Семейде құтқарушылар түнде лифтіге қамалып қалған адамдарды құтқарды.

Бұл туралы Семей қалалық төтенше жағдайлар басқармасы хабарлайды.

Таңғы үш шамасында Семей қаласының Рысқұлов көшесіндегі көпқабатты тұрғын үйдегі жеделсаты алтыншы қабатқа жеткенде тоқтап, есігі ашылмай қалды.

Лифтінің ішінде төрт адам болыпты.

Оқиға орнына құтқарушылар келіп, құралдардың көмегімен жеделсатының есігін ашты. Құдай сақтап, ешкім зардап шекпеді.