Семейде студенттер нашар тамақтанып, тіпті сирек жуынады екен-тексеріс нәтижелері
Семейде арнайы коммисия жергілікті ЖОО-лардың бірнеше жатақханасын тексеріп шықты. Сөйтсе, студенттердің көбі нашар тамақтанып, тіпті сирек жуынады екен, – деп хабарлайды КТК телеарнасы.
Қоғамдық және мемлекеттік қызмет агенттігінің өкілдері студенттер 16 мың теңге шәкіртақысының 14 мың теңгесін бөлмеге төлейді екен. Сөйте тұра, бөлменің жағдайы да мәз емес. Мысалға, жуынудың өзіне студенттер 150 теңге төлеп кіреді екен. Ортақ ас үй мен асхана ыдыс-аяқтары да жоқ. Жатақханалардың көбісінде тоңазытқыш пен кір жуатын машина да жоқ екен. Сондай-ақ, тексерушілер тәрбиешілер мен кезекшілер жоқ екенін аңғарғанын айтады.
Оқу орындарындағы басшылыққа бұл қателіктерді жоюға бір ай уақыт берген. Тексерушілер жағдай оңалмаса қатаң сөгіс алатынын мәлімдеді. Телеарнаның мәліметінше, студенттердің өзі бөлмеден қуыламыз ба деп жұмған аузын ашпай отырғанға ұқсайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе