Қазақстан журналистер одағы басқармасының төрағасы, Ұлттық баспасөз клубының президенті Сейтқазы Матаев рақымшылық заңына ілікті.
Бұл туралы Алматы облыстық соттың баспасөз қызметі хабарлады.
“Сейітқазы Матаевқа “Рақымшылық туралы” заңының 4-бабы, 1-бөлігі, 4-тармағына сәйкес рақымшылық жасалды. Оның жазасының тең жартысы қысқартылады”, – деді Алматы облыстық сотының баспасөз қызметінің өкілдері. Осылайша, 2017 жылы 2-наурызда шыққан Алматы облысының Қапшағай қалалық сотының үкімімен Сейітқазы Матаев колонияда әлі 2 жыл 11 ай отырады. Демек, еліміздің бас журналисінің босау мерзімі шамамен 2019 жылдың қыркүйегіне сай келеді.