Ақтауда мүгедек балаларға арналған интернат директоры қызметкерлерін тәртіпке саламын деп өзі қызметінен уақытша шеттетілді.
Бұл туралы КТК арнасы хабарлайды.
Түн ортасында қызметкерлерін жерден алып, жерге салып, ыдыс-аяқтарын сындырып жүрген психоневрологиялық ауытқуы бар мүгедек балаларға арналған интернаттың директоры. Балалар су ішетін бөлмеде басшы қолына тигенін лақтырып, қарамағындағы қызметкерлерді тәртіпке салуда.
“Бұл біздерді қыспаққа алды. Отырма, тұрма деп.
Маған түнде хабарласып камера алдында отыр дейді.
Мен ауру балаларды қараймын. Қалай отырамын? Жұмыс істеу керек. Сосын түнде келіп, осындай жағдай болды”, деп баяндады бала күтуші.
7 маусым күні болған оқиға әлеуметтік желіде лезде тарағаннан кейін долданған директор қызметінен уақытша шеттетілді. Басшы мен қызметкерлер арасындағы кикілжің тамақты тек арнайы бөлмеде ішу керек дегеннен басталған. Алайда, басшының ескертуін еш жан елемей, оның арты жанжалға ұласыпты.
Директор қызметкерлер мені тыңдамайды, ешқандай шара қолданбайды, бірнеше рет айттым сонда да тыңдамады, сосын осындай әрекетке мәжбүр болдым деп түсіндірді. Интернат ұжымының басым көпшілігі директордың жұмысына оң баға берді.
Айтуларынша, талапшыл басшы келгелі мекемеде тәртіп пен тазалыққа аса мән берілетін болған.
https://youtu.be/0bshK5pmR-s
https://youtu.be/cOkY21CtFYM