Сақ болыңыздар! Өлген малдың еті арзанға сатылып жатыр
Түркіменстанның аймақтарында сібір жарасынан үй жануарлары өліп жатыр деген ақпаратпен қатар, қала орталықтарында арзан бағаға мал, құс еті сатыла бастаған.
Ашхабадтан келген хабарларға қарағанда, астанада басқа аймақтардан көліктерімен келіп, мал, құс етін сатушылар көбейген.
«Соңғы екі аптада ет сатушылар кәдімгідей көбейді. Олар күні бойы аулаға бірнеше рет келіп, арзан бағаға ет сатады. Құс еті базар нарқынан екі есе арзан. Егер базарда 1 келі құс етінің бағасы 20-22 манат болса, ауладағы сатушылар 10-12 манатқа сатып жатыр», – дейді Парахат-2 шағын ауданының тұрғыны Аман.
Тұрғындардың сөздерінше, бастапқыда Ашхабад тұрғындары арзан етке қатты қуанған. Бірақ үй жануарларының жаппай өліп жатқаны жөнінде ақпарат естігіннен кейін, арзан етке сұраныс азайған. «Басында ондаған адам арзан ет алу үшін кезекте тұратын. Қазір ешкім алмауға тырысады. Алса, бір-екі адам алады», – дейді Аман.
Түркіменстанның баспасөзінде үй жануарларында эпидемия жүріп жатыр деген ақпарат тарамады. Сонымен бірге ауруға іліккен мал етін алмаңдар деп ескертетін хабарлама да жоқ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе