Сүйінші! Таңертең Кейкі батырдың бас сүйегі елге жеткізіледі
Бұл туралы өзінің әлеуметтік желідегі парақшасында саясаттанушы, қоғам қайраткері Берік Әбдіғалиұлы жазды.
“Ертең, сағат таңғы 04:50-де Мәскеуден арнайы бортпен 1916 жылғы ұлт-азаттық көтерілістің қаһарманы, 1923 жылы большевиктер қолынан қаза тапқан Кейкі батырдың басы елге жеткізіледі. Әзір жерлеу рәсімін ұйымдастыру бойынша үкіметтік комиссия құрылуда» деді саясаттанушы.
Кейкі (Нұрмағанбет) Көкембайұлы – 1916 жылғы Торғайда болған ұлт-азаттық көтерілісінің батыры, атақты мерген. Қостанай облысы Аманкелді ауданының Байтума қопасында дүниеге келген.
Ол Ресей патшасының 1916 жылғы маусым жарлығы себеп болған Торғай қазақтарының ұлт-азаттық көтерілісіне алғашқы күндерінен белсене араласып, сол көтерілісті ұйымдастырушылардың бірі болды.
Қазақстан ұлттық энциклопедиясындағы мәлімет бойынша, ол Торғайда қызыл әскер қолынан айуандықпен өлтірілген. Оның басы күні бүгінге дейін Санкт-Петербургтегі антропологиялық қордың кунсткамерасында сақталып келді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе